Великий канон

Автор: Критский Андрей Жанр: Православие  Религия и эзотерика  Год неизвестен
Закладки
Читать
Cкачать
A   A+   A++
Размер шрифта

Отрывок из книги

Песнь 3 Ирмос: На недвижимом, Христе, камени заповедей Твоих утверди мое помышление. Огнь от Господа иногда Господь одождив, землю содомскую прежде попали. На горе спасайся, душе, якоже Лот оный, и в Сигор угонзай. Бегай запаления, о душе, бегай содомскаго горения, бегай тления Божественнаго пламене. Исповедаюся Тебе, Спасе, согреших, согреших Ти, но ослаби, остави ми, яко благоутробен. Согреших Тебе един аз, согреших паче всех, Христе Спасе, да не презриши мене. Ты еси Пастырь добрый, взыщи мене, агнца, и заблуждшаго да не презриши мене. Ты еси сладкий Иисусе, Ты еси Создателю мой, в Тебе, Спасе, оправдаюся. Припев: Пресвятая Троице, Боже наш, слава Тебе. О Троице Единице Боже, спаси нас от прелести, и искушений, и обстояний. Припев: Пресвятая Богородице, спаси нас. Радуйся, Богоприятная утробо, радуйся, престоле Господень, радуйся, Мати Жизни нашея. Иный. Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь. Источник живота стяжах Тебе, …